سر ولیم کروکس

            ماہ گذشتہ میں علمی دنیا کے لیے سب سے اہم حادثہ یہ ہوا کہ کیمسٹری کے استاد اعظم سر ولیم کروکس نے وفات پائی، موصوف کا شمار اس وقت دنیا کے ممتاز ترین علمائے سائنس میں تھا، اور ممالک برطانیہ میں تو یقینا ان سے بڑے درجہ کا کوئی شخص اس وقت نہ تھا، کیمسٹری میں ہیلیم کا عنصر انہیں نے دریافت کیا اس کے علاوہ ان کے متعدد اکتشافات تھے، جدید اہل سائنس کے گروہ میں شاید وہ پہلے شخص تھے جو عالم ’’روحانیات‘‘ کے وجود کے قائل ہوئے۔ (’’مولوی عبدالماجد‘‘،جون ۱۹۱۹ء)