1676046599977_54337784
Open/Free Access
42
ڈاکٹر ڈی ، اے ، اسمتھ
ماہ گذشتہ میں آکسفرڈ سے ڈاکٹر ڈی، اے، اسمتھ، ال، ڈی کی وفات کی خبر موصول ہوئی ۔ ڈاکٹر موصوف مشرقی علوم سے خاص شغف رکھتے تھے، اور تاریخ ہند کے ایک مستند عالم سمجھے جاتے تھے۔ تقریباً ۱۸۷۰ء میں وہ ہندوستان میں ایک سویلین کی حیثیت سے آئے تھے، اور صوبہ متحدہ کے مختلف اضلاع میں مختلف مناصب پر فائز رہ کر کوئی بیس سال ہوئے پنشن لے کر وطن واپس گئے۔ ہندوستان کے سی (۳۰) سالہ قیام میں وہ نادر سکہ جات، کتبات وغیرہ بیش بہا تاریخی مواد فراہم کرتے رہے اور ملازمت سے سبکدوش ہونے کے بعد انھوں نے تاریخ ہند پر متعدد تصانیف شایع کیں، مثلاً اکبر اعظم، راجہ اشوک کا دورِ حکومت، وغیرہ جن میں سے بعض کتابیں ہندوستانی یونیورسٹیوں کے اعلیٰ نصابِ درس میں بھی داخل ہیں، ان کی آخری ضخیم تصنیف ’’آکسفرڈ ہسٹری آف انڈیاــ‘‘ حال ہی میں شایع ہوئی تھی۔ رایل ایشیاٹک سوسائٹی نے تمغوں اور دیگر اعزازات سے ان کی علمی خدمات کا بار بار اعتراف کیا تھا۔ (مارچ ۱۹۲۰ء)
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |