سر ہرمان دیبر

            سر ہرمان دیبر، جنھوں نے ۹۷ سال کی عمر میں وفات پائی ہے اور جن کے قواے جسمانی و دماغی آخر وقت تک پوری تندرستی کی حالت میں رہے، ان کی کتاب ’’طویل العمری‘‘ سے متعلق حال میں دوبارہ شایع ہوئی ہے، طویل العمری کے مختلف نسخے مختلف اشخاص نے تجویز کیے، لیکن سر ہرمان دیبر کے نزدیک اس کا راز صرف تین چیزوں میں شامل ہے، اولاً جسمانی محنت و ورزش، یعنی انسان کاہل نہ ہو، بلکہ تازہ ہوا میں کافی طور پر چلتا پھرتا رہے، دوسرے یہ کہ اپنی طبیعت کو قانع رکھے، قناعت کا لازمی نتیجہ یہ ہوگا کہ فکر و مایوسی اس کے پاس نہ آئے گی اور طبیعت بشاش رہے گی، تیسری اور سب سے اہم شرط یہ ہے کہ کھانے پینے میں بے اعتدالی نہ کرے، بلکہ ہمیشہ اعتدال ملحوظ رکھے، شرائط بالا کی پابندی کے ساتھ مصنف مرحوم کا دعویٰ ہے کہ ہر شخص انہی کی سی عمر و صحت حاصل کرسکتا ہے۔ (اپریل ۱۹۲۰ء)