چھتری زمیندار

            وسط اپریل گذشتہ میں بمقام بردوان ایک چھتری زمیندار نے ۶ بجے شام کو وفات پائی، متوفی کا تعلق چونکہ سورج بنسی خاندان سے تھا، اس لئے نعش شب میں نہیں جلائی جاسکتی تھی، دوسرے روز صبح سویرے متوفی کے ایک عزیز نے نعش کا فوٹو لیا، لیکن جب فوٹو تیار ہوا تو اس میں پانچ شکلیں اور بھی نظر آئیں، جن میں سے ایک شکل مرحوم کی زوجہ متوفیہ اور ایک مرحوم کے بچہ کی پہچانی گئی، جس کا مدت ہوئے انتقال ہوچکا ہے، باقی تین شکلیں بہت دھندلی آئی ہیں، ان کی شناخت نہ ہوسکی، بنگال کے اخبارات اس روایت کے ذمہ دار ہیں، اور بنگال کے سائنٹفک حلقوں میں اس خبر نے ایک خاص تحریک پیدا کردی ہے۔ (مئی ۱۹۲۰ء)