ٹامس میرس

            ماہ گذشتہ میں ایک شخص مسمٰی ٹامس میرس نے امریکہ میں وفات پائی، جس کی بابت خیال ہے کہ وہ دنیا کا معمر ترین شخص تھا، وفات کے وقت اس کی عمر ۱۲۶ سال کی تھی، اس کے گھر میں انجیل کا ایک نسخہ تھا، جس پر اس کی تاریخ ولادت ۱۵؍ جنوری ۱۷۹۴؁ء درج تھی، اس کا مولد نارتھ ویلز (انگلستان) تھا، اس کو نپولین کے زمانہ کی لڑائیاں خصوصاً جنگ واٹرلو بطور چشم دید واقعات کے اچھی طرح یاد تھیں، پچاس برس سے اس کی سکونت امریکہ میں تھی، اس کی عمر ۲۶ سال کی تھی جب اس کی معشوقہ کا انتقال ہوگیا، اس وقت سے وہ برابر عورت کی صحبت سے محترز رہا۔

(اگست ۱۹۲۰ء)