1676046599977_54337802
Open/Free Access
46
مولانا رشید احمد صاحب سالم انصاری
ماہ گزشتہ کا سب سے بڑا علمی حادثہ جناب مولانا رشید احمد صاحب سالم انصاری کی وفات ہے، مرحوم نے تقریباً بیس پچیس برس مسلسل ہماری زبان کی خدمت کی۔ عربی و فارسی کے وہ لائق ادیب تھے، ان کا علمی شوق و ذوق فطری تھا۔ ان کی زندگی کا اکثر حصہ مطالعہ اور کتب بینی میں صرف ہوتا تھا، قلمی کتابوں کی تلاش اور جستجو میں انہوں نے ہندوستان کا گوشہ گوشہ چھان ڈالا تھا۔ آخر میں ذی الحجہ ۱۳۴۰ھ میں جب علی گڑھ میں خاکسار اُن سے ملنے گیا تو ان کو بستر مرگ پر پایا اور یہی ان کا مرض الموت تھا، اس عالم میں بھی جتنی دیر ان کے پاس بیٹھنے کا اتفاق ہوا وہ علمی تذکرے کرتے رہے اور جہانگیر نامہ کے ایک قلمی نسخہ کو بڑی محنت سے ترتیب دیا تھا، اس کی اشاعت کا تذکرہ کرتے رہے۔ اردو مترجمات میں المدینۃ والاسلام، النصرانیۃ والاسلام، کتاب التوحید، الفوز الکبیر، وغیرہ مفید تالیفات یادگار چھوڑی ہیں، ترک موالات کے سلسلہ میں مرحوم علی گڑھ کالج چھوڑ کر جامعہ ملیہ میں چلے آئے تھے اور یہیں سے رخصت ہوئے، خدا مغفرت ارزائی فرمائے۔
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |