مولانا شوکت میرٹھی

            اردو فارسی کے قدیم خدمت گزاروں میں ایک مولانا شوکت میرٹھی تھے جو خود کو ’’مجدد السنۂ مشرقیہ‘‘ کے خطاب سے مخاطب کرتے تھے۔ انھوں نے خاقانیؔ، عرفیؔ اور غالبؔ کے دیوانوں کی عجیب و غریب شرحیں لکھی ہیں اور ہمیشہ اپنے مذاق کے مطابق وہ کچھ نہ کچھ کرتے اور کہتے رہتے تھے۔ افسوس ہے کہ گذشتہ مہینہ انھوں نے ایک طویل علالت اور کبر سنی کے بعد وفات پائی۔ اب شاید ایسے لوگ بھی ہمارے ہندوستان میں آئندہ پیدا نہ ہوں گے۔ (جنوری ۱۹۲۳ء)