سرہڈسن کی وفات
گزشتہ دسمبر کا ایک اہم معاشرتی حادثہ سر رابرٹ ارنڈیل ہڈسن کی وفات ہے، سر ہڈسن انجمن صلیب احمر انگلستان کے صدر تھے اور انھوں نے انجمن کی ترقی و توسیع میں بہت کچھ حصہ لیا تھا اور اپنی بااثر شخصیت کی بناء پر اس انجمن کے لیے ایک کروڑ نوے لاکھ پونڈ جمع کئے تھے۔
کیا ہندوستان کی تمام انجمنوں کی متحدہ آمدنی بھی کبھی اس کے برابر ہوگی جس غریب ملک میں صحیح و تندرست لوگ بھوکے مرتے ہوں وہاں مریضوں کو کون پوچھتا ہے۔
(نجیب اشرف ندوی، مارچ ۱۹۲۸ء)