پروفیسر لیفر سڈگ
پروفیسر لیفر سڈگ سابق پروفیسر کیمیا سڈنی یونیورسٹی آسٹریلیا نے تھوڑے دن ہوئے کہ وفات پائی، اور مرنے کے بعد ۴۶ ہزار گنی کی گراں قدر رقم چھوڑ گئے اور یہ ساری رقم وصیت کے ذریعہ سے رفاہِ عام کے مختلف کاموں کے لئے وقف کرگئے جس کی تفصیل یہ ہے، ۲۵۰۰ گنی خاص شہر سڈنی کے لئے جس کے نفع سے دو علمی انعام دیئے جائیں گے، ۱۵۰۰ کیمبرج یونیورسٹی کے مسیحی کالج کے لیے، ۱۰۰۰ گنی معدنیات ملکی کے مدرسہ کے لیے ، ۵۰۰ گنی نیوسوٹ ویلز کی ملکی انجمن کے لئے اس طریقہ سے ساری دولت آسٹریلیا کی مختلف انجمنوں اور لندن کی کیمیاوی انجمن کو دے دی۔
(شاہ معین الدین ندوی، اپریل ۱۹۲۸ء)