ڈاکٹر قاسم علی منصوری
مسلم یونیورسٹی کے شعبۂ کیمیا کے نوجوان لائق صدر ڈاکٹر قاسم علی منصوری ایم، اے۔ ایم، ایس، سی (کینٹب) پی، ایچ، ڈی، (گوٹنجن) جو ہماری قوم میں اس فن کے مستند ماہر اور یورپ کی درسگاہوں کی متعدد سندوں کے مالک تھے، ۱۰؍مارچ ۱۹۳۰؁ء کی صبح کو کسی بیماری میں دل کی حرکت بند ہوجانے سے وفات پاگئے، مرحوم کے دل کا یہ عارضہ کیمیائی تجربہ گاہ کے بعض خاص قسم کی گیس کے اثر سے شروع ہوا تھا، جس سے وہ بالآخر نجات نہ پاسکے، اس طرح ہم ان کو شہید علم کا درجہ دے سکتے ہیں، مرحوم کی اس غیر متوقع وفات سے ہمارے ملک کے حلقۂ علم و فن کو بڑا صدمہ پہنچا، خدا مغفرت فرمائے۔
(سید سلیمان ندوی، اپریل ۱۹۳۰ء)