1676046599977_54337867
Open/Free Access
90
خان بہادر میر ناصر علی
مدیر ’’صلائے عام‘‘ دہلی
اردو کے ایک اور کہنہ صاحب قلم استاد کی وفات پر دو آنسو بہانا ہے، ایک زمانہ تھا کہ اس کی انشاء پردازی اور نکتہ نوازی پر ملک کے اچھے اچھے اہل قلم رشک کرتے تھے مگر افسوس کہ نوجوانوں نے اس کو بھلا دیا، یہ خان بہادر میر ناصر علی، مدیر صلائے عام دہلی تھے، مرحوم نے عمر کی چھیاسی ۸۶ بہاریں دیکھ کر ۱۲؍ جون ۳۳ء کو دہلی میں وفات پائی، ان کے قلم میں جو نزاکت اور ان کی انشاء میں جو لطافت تھی وہ اب بھی ہماری زبان کا سرمایہ ہے، مگر افسوس ہے کہ آخر میں وہ یہ ساری جگر کاوی ان ناقدر شناس انگریز افسروں کے لئے کرتے تھے جو ہندوستانی زبان کو امتحان کے لئے سیکھتے تھے اور اسی لئے ان کی یہ ادبی کوششیں عام نگاہوں سے چھپ کر رہ گئی تھیں، خدا اپنے دربار میں ہمارے بوڑھے صاحب قلم کی آبرو رکھے۔ (سید سلیمان ندوی، جولائی ۱۹۳۳ء)
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |