نواب صلابت بہادر
یہ خبر نہایت حسرت و افسوس کے ساتھ سنی جائے گی کہ اعلیٰ حضرت خسرو دکن خلداﷲ ملکہ کے چھوٹے بھائی نواب صلابت خان بہادر نے ستائیس سال کی عمر میں چند روز بیمار رہ کر رحلت فرمائی، مرحوم شاہی خانوادہ آصفی کے ایک رکن رکین ہونے کے علاوہ مشرقی علوم و ادب سے پوری دلچسپی رکھتے تھے، اﷲ تعالیٰ مرحوم نوجوان شہزادہ کے سر پر اپنے الطاف و رحمت کاتاج رکھے اور اعلیٰ حضرت برادر اکبر اور دیگر اعزہ کو صبر و سکون اور رضا بالقضا کی غیرفانی دولت سے ممتاز فرمائے۔ (سید سلیمان ندوی، مارچ ۱۹۳۴ء)