پرنس کائتانی ؍ پروفیسر گویدی ؍ پروفیسر اسنوک ہرخردنئے
امسال مرحوم مارما ڈیوک پکتھال کے علاوہ ن کو ہم سب جانتے تھے، کئی نامور مستشرقین نے وفات پائی، اٹلی کے پرنس کائتانی اور پروفیسر گویدی اور لائڈن کے پروفیسر اسنوک ہر خردنئے نے امسال ہماری دنیا کو الوداع کیا، پرنس کائتانی تاریخ اسلام کے عالم اور گویدی عربوں کے ریاضیات اور جغرافیہ کے ماہر اور اسنوک ہر خردنئے ’محمڈنزم‘ نامی کتاب کے مصنف ہیں جس کو انھوں نے خطبہ کی صورت میں امریکہ کی ’’مجلسِ تاریخِ مذاہب‘‘ میں پیش کیا تھا اور بھی دوسری کتابیں اور مضامین ان کے قلم سے نکلے تھے۔ (سید سلیمان ندوی، اکتوبر ۱۹۳۶ء)