1676046599977_54337906
Open/Free Access
114
مولانا فضل حق رامپوری ؍ مولانا معین الدین اجمیری
افسوس ہے کہ پچھلے دو مہینوں میں ہماری قدیم تعلیم کے خزانہ کے دو انمول موتی کھوگئے، ایک مولانا فضل حق صاحب رامپوری جو مدرسہ عالیہ رامپور میں مدرس اعلیٰ تھے، موصوف نے نصف صدی تک علوم اسلامیہ کی تدریس کا فرض انجام دیا تھا، ۸۱ برس کی عمر میں دار فانی کو الوداع کہا، اور اب ۱۰؍ محرم ۱۳۵۹ھ کی دوپہر کو مولانا معین الدین اجمیری نے جن کو سلسلہ خیرآباد کا خاتم کہنا چاہیے وفات پائی، مرحوم مولانا برکات احمد صاحب ٹونکی کے ارشد تلامذہ میں تھے، اور عمر بھر درس و تدریس میں گذار دی، حضرت خواجہ معین الدین چشتی رحمتہ اﷲ علیہ کے احاطہ مزار میں شاہ جہانی مسجد کے زیر سایہ فضل و کمال کا یہ خزانہ زیر خاک کیا گیا، رحمہما اﷲ تعالیٰ، میر احدی اجمیری نے خوب کہا:
ہے سنہ تیرہ سو انسٹھ (۱۳۵۹) عشرہ ماہ محرم ہے
ہمیں اس ابتدائی ماہ میں بے انتہاغم ہے
امام الوقت مولانامعین الدین کی رحلت ہے
بپا اجمیر میں امسال اُف دوہرا محرم ہے۔
(سید سلیمان ندوی، مارچ ۱۹۴۰ء)
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |