خواجہ عزیز الحسن غوری
اس ماہ گذشتہ کا دوسرا حادثہ حضرت خواجہ عزیز الحسن صاحب غوری مجذوب کی وفات ہے، مرحوم حضرت مولانا تھانویؒ کے محبوب خلفاء میں تھے، گو کہ وہ عالم نہ تھے، گریجویٹ تھے، عمر بھر اعلیٰ سرکاری ملازمت کی، مگر ان کو اﷲ تعالیٰ کی طرف سے وہ قلب خاشع اور وہ تقوی عطا ہوا تھا، جس پر بڑے بڑے علماء کو رشک ہونا چاہیے، اور شعر وسخن کی محفل میں وہ بلبل گویا تھے، کہ جس کے سریلے نغموں سے ایک مدت تک اہل درد لذت پاتے رہیں گے، اﷲ تعالیٰ جنت الفردوس ان کی آرام گاہ بنائے۔
(سید سلیمان ندوی، ستمبر ۱۹۴۴ء)