1676046599977_54337950
Open/Free Access
151
ڈاکٹر نکلسن
گزشتہ اگست میں مشہور انگریز مستشرق ڈاکٹر نکلسن نے ۷۷ سال کی عمر میں انتقال کیا، وہ عربی و فارسی زبان کے فاضل اور لندن اور کیمبرج یونیورسٹی میں ان دونوں زبانوں کے استاد رہے تھے، ان کا موضوع اسلامی تصوف تھا، اس کے وہ یورپ میں امام مانے جاتے تھے، انہوں نے اسلامیات اور تصوف پر کئی کتابیں لکھیں، اس کی بعض قدیم اور اہم کتابوں کو ایڈٹ کیا، اور انگریزی میں ان کے ترجمے کئے، شیخ ابونصر سراج کی کتاب اللمع اور مثنوی مولانا روم کی بڑی محنت سے تصحیح کی، یہ دونوں کتابیں گب میموریل سیریز کی جانب سے شائع ہوگئی ہیں، کشف المحجوب، مثنوی مولانا روم اور انتخاب دیوان شمس تبریز کا انگریزی میں ترجمہ کیا، اسلامی تصوف اور صوفیائے اسلام پر مستقل کتابیں لکھیں، عربوں کی علمی و ادبی تاریخ پر ایک مسبوط کتاب لٹریری ہسٹری آف دی عربس تالیف کی ہندوستان میں ان کا نام زیادہ سراقبال مرحوم کی مثنوی اسرار خودی کے مترجم کی حیثیت سے مشہور ہے، لیکن اسلامیات سے اس دلچسپی کے باوجود ان کا دامن تعصب و تنگ نظری سے پاک نہ تھا، جس کا اثر لٹریری ہسٹری آف دی عربس میں زیادہ نمایاں ہے، اور یہ کتاب علمی و مذہبی دونوں حیثیتوں سے اعتبار کے لائق نہیں ہے۔ (شاہ معین الدین ندوی، اکتوبر ۱۹۴۵ء)
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |