1676046599977_54337984
Open/Free Access
199
مولوی مہیش پرشاد
مولوی مہیش پرشاد ہندو یونیورسٹی میں عربی و فارسی کے پروفیسر تھے، عربی کی تعلیم انھوں نے مولانا عبداﷲ ٹونکی سے حاصل کی تھی، اور ’’مولوی‘‘ کا امتحان بھی پاس کیا تھا، اردو زبان و ادب میں بھی اچھی دستگاہ رکھتے تھے اور اس کے بڑے حامی اور مخلص خدمت گزار تھے، مرزا غالب کے خطوط ان کا خاص موضوع تھا، انھوں نے ان کے نئے خطوط کا پتہ چلایا تھا، اور ان کے چھوٹے چھوٹے رقعوں اور کارڈ اور لفافوں اور ان کے پتوں پر مستقل مضامین لکھے تھے، اور مکاتیب غالب کا ایک جامع اور مکمل مجموعہ جس میں بہت سے ایسے خطوط تھے، جو پرانے مجموعوں میں نہیں پائے جاتے، دو ضخیم جلدوں میں مرتب کیا تھا، اس کی ایک جلد کئی سال ہوئے، ہندوستانی اکیڈمی الٰہ آباد نے شائع کی تھی، دوسری جلد کی اشاعت کی نوبت نہیں آئی تھی کہ خود مرتب کی کتاب زندگی کا ورق الٹ گیا، ضرورت ہے کہ اکیڈمی یا اردو کا کوئی ادارہ مرتب کی یادگار میں اس کو شائع کردے موجودہ فرقہ پرستی اور اردو دشمنی کے زمانہ میں ہندوؤں میں ان کے ایسے خدمت گزار مشکل سے پیدا ہوں گے۔ (شاہ معین الدین ندوی،اکتوبر ۱۹۵۱ء)
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |