مولوی سید محمد احمد صاحب کاظمی
ابھی یہ سطریں زیر تحریر تھیں کہ مولوی سید محمد احمد صاحب کاظمی ایڈوکیٹ الٰہ آباد کے انتقال کی خبر ملی، مرحوم پرانے اور پکے کانگریسی تھے، ہر زمانہ میں اپنے مسلک پر قائم رہے، قوم پروری کے ساتھ دیندار بھی تھے، اور ان کے دل میں مذہب و ملت کا بھی درد تھا،اور مسلمانوں کے بعض مفید کام انہوں نے انجام دیئے، پارلیمنٹ کے ممبر بھی رہے تھے، اور مسلمانوں کے نظام قضا کے متعلق ایک بل بھی پیش کیا تھا، لیکن پھر اس کے انجام کا پتہ نہ چلا، ایسے نیشنلسٹ اب مشکل سے ملیں گے، جو ملک و وطن اور مذہب و ملت کے حقوق میں توازن قائم رکھ سکیں، اﷲ تعالیٰ مرحوم کی ملی خدمات کو قبول اور ان کی مغفرت فرمائے۔ (شاہ معین الدین ندوی، نومبر ۱۹۵۹ء)