مولوی عبدالمجید
افسوس ہے کہ گذشتہ ۲۰؍ دسمبر کو مولانا عبدالماجد صاحبب دریا بادی کے بڑے بھائی مولوی عبدالمجید صاحب رٹائرڈ ڈپٹی کلکٹر نے انتقال کیا، مرحوم بڑے دیندار اور بڑی خوبیوں کے بزرگ تھے، گو دارالمصنفین سے ان کا کوئی قانونی تعلق نہ تھا لیکن اس کے بڑے مخلص اور پرانے قدر دانوں میں تھے، اس کے کارکنوں سے دوستانہ اور عزیزانہ تعلق رکھتے تھے، مرحوم کو قومی کاموں سے بھی دلچسپی تھی اور مختلف اوقات میں وہ لکھنؤ کے مختلف قومی و تعلیمی اداروں کی اعزازی خدمت انجام دیتے رہے، طبعاً بڑے شریف اور وضعدار تھے، اﷲ تعالیٰ مرحوم کو اپنی رحمت و مغفرت سے سرفراز فرمائے۔
(شاہ معین الدین ندوی،جنوری ۱۹۶۱ء)