سید ہاشمی فرید آبادی
سید ہاشمی فرید آبادی اردو کے نامور مصنف اور اردو زبان کے پرانے خدمت گذار تھے، برسوں بابائے اردو مولوی عبدالحق صاحب کے کاموں میں ان کے دست راست رہے، غالباً کچھ دنوں دارالترجمہ حیدرآباد سے بھی ان کا تعلق رہا تھا، انہوں نے جامعہ عثمانیہ کے لیے ہندوستان کی تاریخ پر کئی کتابیں تالیف و ترجمہ کیں، عین قیام پاکستان کے بعد وہ بھی مولوی عبدالحق صاحب کے ساتھ کراچی چلے گئے تھے، انھوں نے لاہور کے قدیم عمال و حکام، علماء و مشائخ اور شعراء و مصنفین کے حال میں ایک کتاب مآثر لاہور کے نام سے لکھی تھی۔ (شاہ معین الدین ندوی، اگست ۱۹۶۴ء)