مولوی محمد یحییٰ تنہاؔ
افسوس ہے کہ گزشتہ رمضان میں مولوی محمد یحییٰ تنہا مرحوم نے کراچی میں انتقال کیا، مرحوم اردو زبان کے مشہور اہل قلم، اس کے پرانے خدمت گزار اور متعدد کتابوں کے مصنف و مترجم تھے، ان کی سب سے مشہور و مفید کتاب سیر المصنفین اور مراۃ الشعراء ہے، دونوں دو جلدوں میں ہیں، سیرالمصنفین میں شروع سے لے کر موجودہ دور تک کے مصنفین کے حالات اور ان کی تصانیف پر تبصرہ ہے، اس میں اردو کی پوری تاریخ آگئی ہے، مراۃ الشعراء اردو کے شعراء کا تذکرہ ہے، اﷲ تعالیٰ ان کی مغفرت فرمائے۔
(شاہ معین الدین ندوی، فروری ۱۹۶۷ء)