نواب شوکت خاں
دوسرا حادثہ باغپت کے نوجوان رئیس نواب شوکت خاں کی وفات ہے ان کو اﷲ تعالیٰ نے امتیازی و جاہت کے ساتھ دینداری کی دولت سے بھی نوازا تھا، چنانچہ حاجی اور حافظ بھی تھے جس کی مثال جدید تعلیم یافتہ نوجوان رئیسوں میں مشکل سے ملے گی، اسمبلی کے ممبر بھی رہ چکے تھے، سٹی سنٹرل وقف بورڈ کے صدر تھے، اس تعلق سے کئی سال ان سے سابقہ رہا، طبعاً نہایت شریف اور مہذب و متین تھے، عمر چالیس بیالیس سال سے زیادہ نہ تھی، اﷲ تعالیٰ اس نوجوان اور دیندار رئیس کی مغفرت فرمائے۔
(شاہ معین الدین ندوی، فروری ۱۹۶۹ء)