مولانا عبدالحفیظ بلیاوی
افسوس ہے کہ دارالعلوم ندوۃ العلماء کے استاذ مولانا عبدالحفیظ صاحب بلیاوی نے وفات پائی وہ ادب کے استاد تھے، عربی زبان و لغت پر ان کی نظر بڑی گہری و وسیع تھی، انہوں نے لغت کی کئی کتابیں لکھیں، ان میں مصباح اللغات اور اردو عربی ڈکشنری چھپ گئی ہیں بعض مسودے کی شکل میں ہیں، دینی علوم میں بھی پوری دستگاہ رکھتے تھے، ان کی پوری زندگی عربی زبان کی تلاش و تحقیق میں گذر ی، ان کی وفات سے عربی زبان کا ایک بڑا ماہر اٹھ گیا، اﷲ تعالیٰ اس شیدائے علم کی مغفرت فرمائے۔
(شاہ معین الدین ندوی، ستمبر ۱۹۷۱ء)