1676046599977_54338126
Open/Free Access
315
سید اسد اﷲ صاحب کاظمی
افسوس ہے کہ مشہور ماہر تعلیم سید اسد اﷲ صاحب کاظمی نے کراچی میں انتقال کیا وہ مسلم یونیورسٹی کے نامور فرزند تھے حصول تعلیم کے بعد کچھ دنوں یونیورسٹی ہی میں انگریزی کے استاد رہے، پھر صوبہ متحدہ کے محکمہ تعلیمات سے وابستہ ہوگئے، اور ڈپٹی ڈائرکٹر کے عہدہ تک پہنچے، اسی زمانہ میں ریاست کشمیر کے ڈائرکٹر تعلیمات ہوگئے ملازمت سے ریٹائر ہونے کے بعد یونیسکو کی طرف سے کئی سال تک حکومت بغداد کے مشیر تعلیم رہے اس طرح ان کی پوری عمر تعلیمی تجربات میں گذری مسلمانوں میں وہ ماہر تعلیم مانے جاتے تھے، ان کو مسلمانوں کے تعلیمی مسائل سے بڑی دلچسپی تھی، اور اُن کی تعلیمی تنظیموں کو اپنے تجربات اور مفید مشوروں سے فائدہ پہنچاتے تھے، علمی و ادب کا بلند اور (ستھرا مذاق رکھتے تھے) مذہبی مطالعہ بھی وسیع تھا، راسخ العقیدہ پابند مذہب مسلمان تھے، کلام مجید کے مطالعہ کا خاص ذوق تھا، بغداد کے قیام کے زمانہ میں کچھ عربی بھی سیکھ لی تھی۔ اﷲ تعالیٰ نے اُن کو دین و دنیا دونوں سے نوازا تھا، عالم آخرت کی نعمتوں سے بھی سرفراز فرمائے۔ (شاہ معین الدین ندوی، نومبر ۱۹۷۱ء)
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |