1676046599977_54338133
Open/Free Access
317
شیخ ظہور الحسن
افسوس ہے کہ شیخ ظہورالحسن صاحب سابق ریوینیو سکریٹری حکومت اتر پردیش نے کراچی میں انتقال کیا، وہ اپنے محکمہ کے ماہر اور اس صوبے کے لائق ترین عہدہ داروں میں تھے، حکومت میں ان کا بڑا وقار تھا، عملاً بڑے مذہبی اور دیندار تھے، مذہبی مطالعہ وسیع تھا، دینی کاموں سے بڑی دلچسپی تھی، ترک وطن سے پہلے دارالمصنفین کی مجلس انتظامیہ کے رکن تھے، کئی سال ہوئے ریٹائرڈ ہوچکے تھے، ان کے لڑکے پاکستان میں بڑے عہدوں پر تھے، لیکن وہ خود ہندوستان ہی میں مقیم رہے، ۱۹۶۵ء کی جنگ سے کچھ پہلے لڑکوں سے ملنے کراچی گئے تھے، اسی دوران میں جنگ چھڑگئی، اس لیے لڑکوں کے اصرار سے وہاں مستقل قیام اختیار کرلیا، اور وہیں قلبی دورے میں وفات پائی، مسلمان عہدہ داروں میں ایسے لائق اور دیندار کم ہوتے ہیں، اﷲ تعالیٰ اس مرد مومن کی مغفرت فرمائے۔ (شاہ معین الدین ندوی، جنوری ۱۹۷۲ء)
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |