پنڈت رام ناتھ کنزرو
دوسرا حادثہ پنڈت رام ناتھ کنزرو کی وفات کا ہے، وہ پنڈت ہردے ناتھ کنزرو صدر سروینٹل آف انڈیا سوسائٹی و انجمن ترقی اردو ہند کے بڑے بھائی، پرانے کشمیری پنڈتوں کی طرح ہماری پرانی مشترک تہذیب کا نمونہ اور اردو زبان کے بڑے شیدائی تھے، جامعہ اردو علی گڑھ کے امیر بھی تھے، ان کی وفات سے اردو کا ایک بڑا حامی و مددگار اٹھ گیا، اور قدیم تہذیب و شرافت کی ایک یادگار مٹ گئی اب اس دور انقلاب میں ایسے نمونے نہ پیدا ہوں گے۔ (شاہ معین الدین ندوی،فروری ۱۹۷۲)