مولانا عبدالصمد صاحب رحمانی
دوسرا حادثہ مولانا عبدالصمد صاحب رحمانی نائب امیر شریعت صوبہ بہار و اڑیسہ کا ہے وہ بھی پرانی یادگار، اس دور کے نامور عالم اور ملک و ملت کے پرانے خدمت گزار تھے، ملکی و ملی تحریکات میں ان کا نمایاں حصہ رہا، خلافت اور ترک موالات کی تحریک اور ہندوستان کی آزادی کی جدوجہد میں مولانا سجاد بہاری مرحوم کے رفیق کار تھے، ان کی وفات سے ایک قدیم یادگار اٹھ گئی، اﷲ تعالیٰ ان کے مدارج بلند فرمائے۔
(شاہ معین الدین ندوی،جون ۱۹۷۳ء)