1676046599977_54338158
Open/Free Access
326
ڈاکٹر اعجاز حسین ؍ ڈاکٹر مسیح الزماں
گزشتہ مہینہ میں ڈاکٹر اعجاز حسین سابق صدر شعبہ اردو الہ آباد یونیورسٹی کا انتقال حرکت قلب بند ہوجانے سے مظفرپور میں ہوگیا، جہاں وہ ممتحن بن کر گئے ہوئے تھے، ان کی میت الہ آباد لائی گئی، اپنی ملازمت سے سبکدوش ہونے کے بعد بھی لکھنے پڑھنے کا شغل جاری رکھا تھا، اہم اور مفید کتابوں کے مصنف تھے، جن میں مختصر تاریخ ادب اردو اور نئے ادبی رجحانات وغیرہ زیادہ مقبول ہوئیں، اپنے شاگردوں میں بہت مقبول رہے، ان کی وفات سے اردو ادب ایک بہت ہی لائق مصنف اور خدمت گزار سے محروم ہوگیا، ان سے کچھ ہی روز پہلے ڈاکٹر مسیح الزماں ریڈیو شعبہ اردو الہ آباد یونیورسٹی کی بھی وفات اچانک ہوگئی، اردو کی مرثیہ نگاری ان کا خاص موضوع تھا، ان کی عمر وفا کرتی تو اس صنف میں ان کا ادبی کارنامہ بڑا قابل قدر ہوتا، وہ پروفیسر مسعود حسن رضوی سابق صدر شعبہ اردو لکھنؤ یونیورسٹی کے داماد تھے، جن کے لئے اس کبرسنی میں یہ سانحہ بڑا ہی جانکاہ ہوگا۔
دعا ہے کہ خدا اردو ادب کے ان دونوں خدمت گزاروں کو غریق رحمت کرے، آمین ثم آمین۔ (صباح الدین عبدالرحمن، مارچ ۱۹۷۵ء)
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |