پنڈت ہردے ناتھ کنزرو
یہ سطریں لکھی جارہی تھیں کہ پنڈت ہردنے ناتھ کنزرد کی وفات کی خبر ملی، انھوں نے بڑی لمبی عمر پائی، نوے سال کے تھے، وہ ایک جلیل القدر، مرنجان مرنج، بامروت، وضعدار شخصیت، پارلیمانی دستور کے بڑے ماہر ہندو مسلمان کی ملی جلی تہذیب کے عمدہ نمونہ اور اردو زبان کے بڑے محسن کی حیثیت سے برابر یاد کئے جائیں گے، وہ اپنی ترشی ہوئی بھلمنساہت کی وجہ سے ہندوستان کی سیاست کی جذباتی ہم آہنگی کے قابل تقلید نمونہ بن سکتے ہیں، بشرطیکہ موجودہ قومی دھارے کے بنانے والے ان کو ایسا ہی سمجھیں۔ (’صباح الدین عبدالرحمن، اپریل ۱۹۷۸ء)