جناب اے ۔ اے ۔ اے فیضی
گزشہ مہینہ بمبئی کے جناب اے۔ اے۔ اے فیضی کی وفات ہوگئی، وہ ۱۹۱۹؁ء سے دارالمصنفین کے لائف ممبر تھے، اپنی نظروفکر میں جدید کاری اور ترقی پسندی کے باوجود آخر وقت تک علامہ شبلیؒ، مولانا سید سلیمان ندویؒ، دارالمصنفین اور معارف کے بڑے قدردان رہے، بمبئی جب جانے کا اتفاق ہوا تو وہ ایک شفیق بزرگ ہی کی طرح ملے، ان کے مذہبی اور فقہی خیالات کا احتساب تو وہاں ہوگا جہاں اب دائمی طور پر پہنچ گئے ہیں، مگر ان میں بعض شریفانہ خوبیاں تھیں جن کو ان کے معاصر دوست اور ملنے والے مدتوں یاد کریں گے، دعا ہے کہ اﷲ تعالیٰ کی بارگاہ میں ان کی کوئی ادا پسند آجائے جس سے ان کی مغفرت کا سامان ہوجائے، آمین۔ (صباح الدین عبدالرحمن، نومبر ۱۹۸۱ء)