جوشؔ ملیح آبادی
پاکستان ہی میں اردو کے مشہور شاعر جوش ملیح آبادی کی وفات ہوئی، انھوں نے اردو شاعری کی صنف نظم گوئی کو بڑی ترقی دی، غزل کے بجائے نظم گو کی حیثیت سے زیادہ مقبول ہوئے، ان کے مداح ان کے فن اور شاعرانہ مہارت کے بڑے قدردان رہے، مگر ان کے کچھ ناقد ایسے بھی ہیں، جو ان کی شاعری ہی میں خیالات کی بلندی اور پاکیزگی کے بجائے صرف گھن گرج اور چیخ و پکار زیادہ پاتے ہیں، دینی حلقوں میں تو اپنے ملحدانہ اور رندانہ طرز فکر کی وجہ سے اچھی نظر سے نہیں دیکھے جاتے، مگر جب کبھی اردو شاعری کی تاریخ لکھی جائے گی تو اس میں ان کے شاعرانہ فن کی وجہ سے ان کو نمایاں جگہ دی جائے گی۔ (صباح الدین عبدالرحمن، اپریل ۱۹۸۲ء)