1676046599977_54338222
Open/Free Access
418
عبدالمنان بیدلؔ
پٹنہ یونیورسٹی کے شعبہ فارسی کے سابق پروفیسر جناب عبدالمناف بیدل کی وفات گزشتہ اپریل میں ہوگئی، انھوں نے تقریباً نوے سال کی عمر پائی اور اس لحاظ سے خوش نصیب تھے کہ اپنی زندگی میں اپنے شاگردوں کو علم و ادب میں بڑی شہرت حاصل کرتے دیکھا، بڑے شفیق استاد تھے، اس خاکسار کو بھی ان کی شاگردی کی سعادت نصیب ہوئی، اپنے زمانہ میں فارسی کی نصابی کتابی انگریزی لباس پہن انگریزی زبان میں پڑھاتے وقت اس مشرقی زبان میں مغربی رنگ پیدا کردیتے، بڑے اچھے شاعر بھی تھے، بیدل تخلص کرتے، مشاعروں میں اپنے ترنم سے اپنی شاعری میں دلنوازی، دل ربائی اور دل نشینی کی ساری کیفیت پیدا کردیتے، آخر عمر میں مذہبی رنگ بھی زیادہ غالب ہوگیا تھا، زائرین حج کی خدمت مختلف حیثیتوں سے کرتے رہے، استاذی المحترم حضرت مولانا سید سلیمان ندویؒ کے سفر حج میں ساتھ تھے، سلیمان نمبر میں ان کا ایک پرکیف مضمون ’’سفر حجاز کے تاثرات‘‘ کے عنوان سے شائع ہوا، گزشتہ اگست میں ان کو حکومت ہند کی طرف سے فارسی کی سند کا ایوارڈ بھی ملا، لیکن حکومت کی یہ جوہر شناسی اس وقت ہوئی جب ان کے بہت سے شاگردوں کو ان سے پہلے اس اعزاز سے نوازا جاچکا تھا، اﷲ تبارک و تعالیٰ ان کو ان کی نیکیوں اور خوبیوں کی بدولت کروٹ کروٹ جنت نعیم عطا فرمائیں، آمین۔ (صباح الدین عبدالرحمن، مئی ۱۹۸۲ء)
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |