اختر انیس
ناظرین معارف کو یہ خبر سن کر بہت رنج ہوگا کہ جناب اختر انیس سینئر جنرل منیجر بی۔سی۔سی۔آئی نے لندن میں انتقال کیا، ان کا وطن اعظم گڑھ تھا اور وہ دارالمصنفین کے سب سے زیادہ حاضر باش جناب امین الدین صاحب مرحوم کے خویش تھے، اختر انیس مرحوم بڑے متین و سنجیدہ شخص تھے، بڑے عہدہ پر ہونے کے باوجود ان میں غرور و تمکنت نام کو بھی نہ تھی۔ ان کی وفات سے دارالمصنفین اپنے ایک بہت مخلص ہواخواہ سے محروم ہوگیا، اﷲ تعالیٰ ان کو جنت الفردوس عطا فرمائے، آمین۔
(ضیاء الدین اصلاحی، جولائی ۱۹۸۸ء)