منشی اقبال احمد
افسوس ہے کہ ۶؍ دسمبر کو منشی اقبال احمد صاحب بھی حرکت قلب بند ہوجانے سے انتقال کرگئے، وہ ماہر کاتب تھے، اپنی پوری زندگی دارالمصنفین کی خدمت میں گزاری، اس کی اکثر کتابیں ان ہی کے خط سے نکلی ہیں، اپنی خوشنویسی کی وجہ سے اترپردیش اردو اکاڈمی سے انعام بھی حاصل کیا، اب بصارت کی کمزوری کی بناء پر کتابت ترک کردی تھی، ان میں غرور و گھمنڈ نہ تھا، اپنی نرم اور شیریں گفتگو سے لوگوں کا دل موہ لیتے، اﷲ تعالیٰ ان کی بشری لغزشوں سے درگزر کرے اور انھیں اپنے سایہ رحمت میں جگہ دے۔
(ضیاء الدین اصلاحی، دسمبر ۱۹۸۸ء)