مشہود اویس
افسوس ہے کہ ۱۸؍ رمضان المبارک کو دارالمصنفین کے پرانے اور مخلص خدمت گذار مشہود اویس صاحب نے داعئی اجل کو لبیک کہا، ان کے والد مولوی محمد اویس صاحب دارالمصنفین کے ابتدائی معماروں میں تھے، جو عرصہ تک اس کے دفتر اور پریس کے انچارج بھی رہے، مشہور اویس بھی آخر دم تک دفتری کاموں کو انجام دیتے رہے، انتقال کے روز بھی دفتر آئے تھے، وہ بڑے خوش مزاج تھے، دوسروں کا کام کر کے خوش ہوتے، ان کی صحت برسوں سے خراب تھی، دمہ کا عارضہ تھا، اﷲ تعالیٰ مغفرت فرمائے، اور متعلقین کو صبر جمیل عطا کرے، آمین۔ (ضیاء الدین اصلاحی، مئی ۱۹۸۹ء)