1676046599977_54338292
Open/Free Access
500
مولانا قاضی زین العابدین سجادؔ میرٹھی
گزشتہ ماہ مولانا قاضی زین العابدین سجادؔ میرٹھی اور جناب میکشؔ اکبر آبادی رحلت فرماگئے، قاضی صاحب میرٹھ کے ایک علمی و دینی خاندان کے فرد اور دارالعلوم دیوبند کے ممتاز فضلا میں تھے، وہ عرصہ تک جامعہ ملیہ اسلامیہ کے شعبۂ دینیات و تاریخ اسلام کے صدر رہے، تحریر و تصنیف کا ذوق مولانا تاجورنجیب آبادی کی صحبت میں پیدا ہوا، ابتدا میں مصطفی منفلوطی کے عربی افسانوں کا اردو ترجمہ کیا، کئی برس تک میرٹھ سے ’’الحرم‘‘ نکالتے رہے، جس کے کئی خاص نمبر شایع ہوئے اردو عربی لغت میں بیان اللسان اور قاموس القرآن ترتیب دی، ندوۃ المصنفین دہلی کی کتاب ’’تاریخ ملت‘‘ کے بعض حصے مرتب کیے، دو تین برس قبل ان کی کتاب ’’شہید کربلا‘‘ شایع ہوئی، جمعیۃ علمائے ہند اور دارالعلوم دیوبند کی سرگرمیوں میں بھی حصہ لیتے رہے، کئی برس سے بیمار تھے ۸۸ء میں آخری بار دہلی کے مدنی سیمینار میں ملاقات ہوئی تو بہت کمزور ہوگئے تھے، طبیعت میں نفاست تھی، خوش وضع، خوش پوش اور خلیق و ملنسار شخص تھے، اﷲ تعالیٰ ان کی مغفرت فرمائے۔ (ضیاء الدین اصلاحی، مئی ۱۹۹۱ء)
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |