محمد مجید زبیری
افسوس ۲۳؍ مئی کو شبلی کالج کے سابق استاد جناب محمد مجید زبیری کا علی گڑھ میں انتقال ہوگیا، ریٹائر ہونے کے بعد وہ جناب سید صباح الدین عبدالرحمن مرحوم کے اصرار پر دارالمصنفین کے شعبۂ انصرام سے وابستہ ہوئے، اپنی نیکی، بھلمنساہت، صلح پسند طبیعت اور ایمانداری و دینداری کی وجہ سے ہر طبقہ میں مقبول و محترم تھے، صحافی و شاعر بھی تھے تقریباً دو سال قبل سخت بیمار ہوئے، علاج کے لیے اپنی صاحبزادی کے پاس علی گڑھ چلے گئے اور وہیں سے سفر آخرت اختیار کیا، اﷲ تعالیٰ بال بال مغفرت فرمائے اور پس ماندگان کو صبر و رضا کی توفیق دے، آمین۔ (ضیاء الدین اصلاحی، جون ۱۹۹۲ء)