مفتی شوکت علی
۱۵؍ اپریل کو تھوڑے وقفوں سے اردو کے تین اہل قلم کی وفات ہوگئی، جناب مالک رام صاحب پر اسی شمارہ میں مفصل مضمون دیا جارہا ہے۔ مفتی شوکت علی فہمی کا اصل وطن میرٹھ تھا۔ وہاں سے میڑک پاس کرنے کے بعد تحریک عدم تعاون سے متاثر ہوئے اور انگریزی تعلیم چھوڑ کر دہلی چلے آئے اور ’’دین دنیا‘‘ کی ادارت کی ذمہ داری سنبھالی اور متعدد دینی و تاریخی کتابیں لکھیں جو زیادہ معیاری تو نہیں ہیں لیکن ان سے بڑا فیض پہنچا۔ (ضیاء الدین اصلاحی۔ مئی ۱۹۹۳ء)