1676046599977_54338369
Open/Free Access
577
پرنس انجم قدر ؍ میجر علی حماد عباسی
آل انڈیا شیعہ کانفرنس کے صدر پرنس انجم قدر کی وفات ملک و ملت کا بڑا حادثہ ہے، سنیوں سے بھی ان کے روابط تھے، وہ دونوں فرقوں میں اتحاد و مفاہمت کے بڑے حامی تھے اور مشترکہ ملی مسائل کے حل کے لیے سنیوں کے ساتھ ہر جدوجہد میں شریک رہتے تھے۔ مسلم پرنسپل لابورڈ، مسلم مجلس مشاورت اور بابری مسجد تحریک سے ان کا گہرا تعلق تھا، دوسرا حادثہ میجر علی حماد عباسی کی اچانک وفات ہے۔ وہ شبلی کالج میں انگریزی کے استاد اور آخر میں پرنسپل ہوئے، پڑھنے لکھنے کا اچھا ذوق تھا اور مشرقی و مغربی ادب پر خاصی نظر تھی۔ وقتاً فوقتاً طنزیہ و مزاحیہ اور ادبی و تنقیدی مضامین لکھتے تھے جن کے بعض مجموعے چھپ گئے ہیں، طالب علمی کے زمانے ہی سے دارالمصنفین برابر آتے تھے جس کا سلسلہ آخر تک قائم رہا۔ پروفیسر مجیب الحسن کی کتاب کشمیر انڈر سلطانز کا اردو ترجمہ ’’کشمیر سلاطین کے عہد میں‘‘ کے نام سے کیا جو دارالمصنفین سے شائع ہوا۔
(ضیاء الدین اصلاحی، ستمبر ۱۹۹۷ء)
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |