مولوی حافظ محمود خاں بھوپالی
یہ سطریں زیر تحریر ہی تھیں کہ دارالعلوم تاج المساجد کے استاد مولوی عبدالسبحان صاحب تشریف لائے، ان سے یہ معلوم کر کے سخت صدمہ ہوا کہ مولانا حافظ محمد نعمان خاں کے صاحبزادے اور مولانا حافظ محمد عمران خاں کے بھتیجے حافظ محمود خاں بھوپالی نے ۲۰؍ رمضان لمبارک کو داعیِ اجل کو لبیک کہا وہ ہمارے سابق رفیق مولوی حافظ محمد منصور نعمانی مرحوم کے حقیقی بھائی تھے، پہلے دارالعلوم کے کتب خانہ کے ناظر تھے اب اس کے نائب مہتمم اور ڈاکٹر محمد حسان خاں امیر دارالعلوم کے خاص دست و بازو ہوگئے تھے۔ اﷲ تعالیٰ ان کی مغفرت فرمائے اور مولانا نعمان صاحب اور دوسرے اعزہ کو صبر جمیل عطا کرے۔ (ضیاء الدین اصلاحی، فروری ۱۹۹۸ء)