منشی عتیق احمد
فروری ہی میں دارالمصنفین کے پریس کے منصرم منشی عتیق احمد صاحب نے لکھنؤ میں داعی اجل کو لبیک کہا، ان کے والد بزرگوار منشی صدیق احمد صاحب بھی جو مولانا مسعود علی ندوی مرحوم کے حقیقی بھانجے تھے، پریس کے انچارج رہ کر عرصہ تک دارالمصنفین کی خدمت کرتے رہے، منشی عتیق کو دمہ کا موذی مرض تھا جو بالآخر جان لیوا ثابت ہوا، دارالمصنفین میں وہ مولانا مسعود علی ندوی کے خاندان کی آخری یادگار تھے، اﷲ تعالیٰ مغفرت فرمائے اور پسماندگان کو صبر جمیل عطا کرے، آمین۔ (ضیاء الدین اصلاحی، مارچ ۱۹۹۸ء)