ڈاکٹر سلامت اﷲ
مشہور ممتاز ماہر تعلیم ڈاکٹر سلامت اﷲ کا انتقال ۹۰ برس کی عمر میں ۲۳؍ جنوری ۲۰۰۲؁ء کو دہلی میں ہوا اور جامعہ ملیہ اسلامیہ کے قبرستان میں تدفین ہوئی، جامعہ سے عمر بھر ان کا گہرا تعلق رہا، وہ اس کے شعبہ تعلیم (استادوں کے مدرسہ) کے معماروں اور قومی سطح کے ماہرین تعلیم میں تھے۔ رسالہ جامعہ کے شعبہ ادارت سے منسلک تھے اور اس میں ان کے مضامین بھی چھپتے تھے، انہوں نے اردو اور انگریزی میں متعدد کتابیں لکھیں جن میں تعلیم اور اس کا سماجی پس منظر، تعلیم، فلسفہ تعلیم اور سماج، بنیادی استاد کے لئے، ہم کیسے پڑھائیں: Education of Muslims in thought or Basic اور Secular India can Education do it Education وغیرہ قابل ذکر ہیں، وہ عمر بھر علمی و تعلیمی خدمت میں مصروف رہے، ان کی وفات علمی و تعلیمی دنیا کا بڑا حادثہ ہے، اﷲ تعالیٰ ان کی مغفرت فرمائے، آمین!! (ضیاء الدین اصلاحی، اپریل ۲۰۰۲ء)