1676046599977_54338477
Open/Free Access
704
مولانا شاہ شرف عالم ندوی
۳؍ جون کو مولانا سید علی احمد شاہ شرف عالم ندوی نے داعی اجل کو لبیک کہا وہ خائقاہ پیردمڑیا خلیفہ باغ بھاگل پور کے سجادہ نشین تھے، ۸؍ مارچ ۱۹۲۶ء کو اپنے نانہال لکھنو میں پیدا ہوئے، آبائی وطن بھاگل پور میں ابتدائی تعلیم حاصل کی اور قرآن مجید حفظ کیا، درالعلوم ندوۃالعلما لکھنو سے علوم عربیہ کی تحصیل کی، اس کی مجلس انتظامیہ کے رکن تھے، میری ان کی ملاقات یہیں ہوتی تھی، ان کے ساتھ ایک جم غفیر ہوتا تھا، وہ دارالمصنفین کے قدرداں اور معارف کے خریدار تھے، قرآن مجید اچھا پڑھتے تھے، خانقاہ کی مسجد میں امامت اور رمضان میں قرآن سناتے تھے، مریدین کی اصلاح و تربیت پر پوری توجہ دیتے، طبیعت میں اعتدال تھا، ہر شخص سے بشاشت سے ملتے تھے، اﷲ تعالیٰ غریق رحمت کرے اور پس ماندگان کو صبر جمیل عطا کرے، آمین۔ (ضیاء الدین اصلاحی۔ جولائی ۲۰۰۵ء)
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |