رام چندر گاندھی
رام چندر گاندھی ۱۳؍ جون کو نئی دہلی کے انڈیا انٹر نیشنل سینٹر (IIC) میں انتقال کرگئے، یہ گاندھی جی کے پوتے، راج گوپال آچاریہ کے نواسے اور ہندوستان ٹائمز کے سابق اڈیٹر دیوداس گاندھی کے بیٹے تھے۔
ان کی تعلیم دہلی کے سنٹ اسٹیفن کالج میں ہوئی تھی جہاں وہ فلسفہ کے استاد بھی رہے، یہ ان کا خاص موضوع تھا اور اس میں دہلی یونیورسٹی اور آکسفورڈ دونوں جگہ سے ڈاکٹریٹ کی ڈگری لی تھی، برطانیہ، امریکہ اور شانتی نکیتن میں بھی فلسفہ کے استاد تھے، اس میں کئی کتابیں لکھیں۔
انہیں بابری مسجد سانحہ کا بڑا دکھ تھا، اس پر ’’سیتا کی رسوئی‘‘ کے نام سے جو کتابچہ لکھا تھا، اس میں ثابت کیا ہے کہ جو جگہ مندر کی بتائی جاتی ہے وہاں قبائلی رہتے تھے۔
(ضیاء الدین اصلاحی، اکتوبر ۲۰۰۷ء)