عبدالرحمان ناصر اصلاحی
افسوس، مدرسۃ الاصلاح اور جامعہ ملیہ اسلامیہ کے تعلق کی ایک اہم یادگارنہ رہی، مولانا عبدالرحمان ناصر اصلاحی جامعی کی قریب ایک صدی کی حیات مستعار پوری ہوئی، اناﷲ، ان کی شخصیت کی طرح ان کا قلم بڑا شگفتہ تھا، پروفیسر عبداللطیف اعظمی کے ہم درس تھے اور ڈاکٹر ذاکر حسین اور پروفیسر مجیب جیسے نامور اساتذہ سے اکتساب فیض کیا تھا، پروفیسر خلیل الرحمان اعظمی کے ہم وطن بھی تھے اور ہمدم وہم ساز بھی، جب تک صحت نے ساتھ دیا، دارالمصنفین آتے جاتے رہے، اب وہ اﷲ تعالیٰ کے جوار رحمت میں ہیں، قارئین سے بھی مغفرت کی دعاؤں کی درخواست ہے۔ (عبد السلام قدوائی، جنوری ۲۰۰۹ء)