ڈاکٹر محمود احمد غازی
ایک اور افسوس ناک خبر ڈاکٹر محمود احمد غازی کی وفات کی ہے، علوم اسلامیہ اور جدید عصری تقاضوں کی نزاکت و اہمیت سے باخبری ان کی امتیازی خصوصیت تھی، ان کی اردو، عربی اور انگریزی کتابوں سے ان کی فکر و نظر نمایاں ہے، پاکستان میں وہ اعلیٰ علمی عہدوں پر فائز رہے لیکن ان کا تواضع و انکسار کبھی ان سے جدا نہیں ہوا، ۸۲؁ء میں ’’اسلام اور مستشرقین‘‘ سمینار میں تشریف لائے، اسلام آباد سے اعظم گڑھ تک اس راہ نوردی کو سید صباح الدین عبدالرحمن مرحوم نے دارالمصنفین سے والہانہ عشق سے تعبیر کیا تھا، اﷲ تعالیٰ مغفرت فرمائے۔ (جنوری ۲۰۱۰ء)