ڈاکٹر راج بہادر گوڑاس
افسوس گذشتہ دنوں اردو کے شیدائی ڈاکٹر راج بہادر گوڑ اس دنیا سے رخصت ہوگئے، سرزمین اردو حیدرآباد میں پیدا ہوئے، ساری عمر اپنے نظریات کی اشاعت کے لیے جدوجہد کرتے رہے لیکن اردو سے بچپن سے جو رشتہ قائم ہوا تادم آخر اس کی حفاظت کرتے رہے، دارالمصنفین سے محبت رکھتے تھے، کئی بار یہاں آئے اور خوش ہوکر گئے، ان کی شائستہ شخصیت مشرقی قدروں کا دلکش نمونہ تھی، افسوس ایسے لوگ کم ہوتے جاتے ہیں، افسوس اس کا بھی ہے کہ ہم نے اپنا غم اور اردو کے نقصان کا اظہار تاخیر سے کیا۔
( عمیر الصدیق دریابادی ندوی ، جنوری ۲۰۱۲ء )