حضرت رائج سیالکوٹی کو شعر و سخن میں مقام ارفع حاصل ہے۔ رائج مرزا بیدل اور حضرت شاہ آفرین کے ساتھ ہم طرح تھے۔ زیادہ ہجو ہی لکھتے تھے۔ کلام میں آمد بہت زیادہ تھی۔ آپ سو سال کی عمر میں ۱۷۳۳ء میں فوت ہوئے(۳) حاکم لاہوری نے ان کی تاریخ وفات یوں نکالی۔

’’رفت رائج بعالم باقی‘‘ (۴)

اردو میں بھی شعر کہتے تھے لیکن فارسی کلام کی طرف زیادہ توجہ تھی۔ ان کا اردو کلام مفقود ہے۔ منشی محمد دین فوق نے ان کے دیوان کے متعلق علامہ اقبالؒ سے ۴ مارچ ۱۹۳۳ء میں ایک خط کے ذریعے استفسار کیا۔ جواباً انہوں نے کہا کہ میں نے رائج کا دیوان فارسی میں خاصا ضخیم دیکھا ہے۔ (۵)

۳۔           ایضاً ‘ ص : ۲۹۵

۴۔           ایضاً‘ ص: ۲۹۵

۵۔           ایضاً ‘ ص: ۲۹۵