1688382102443_56116082
Open/Free Access
100
محمد دین بھٹی (۱۸۸۳۔۱۹۷۵ء) سیالکوٹ میں پیدا ہوئے۔ سکاچ مشن سکول سیالکوٹ اور سکاچ مشن کالج سیالکوٹ کے طالب علم اور علامہ اقبال کے ہم مکتب تھے۔ آپ مولوی میر حسن کے شاگردتھے۔ مولوی میر حسن اپنے گھر کا سودا سلف لانے کے لیے محمد دین بھٹی کو اپنے ساتھ بازار لے جایا کرتے تھے۔ منشی فاضل‘ مولوی عالم کے علاوہ ایم۔ اے انگریزی کرنے کے بعد سکاچ مشن سکول سیالکوٹ میں ۳۵۔۱۹۳۰ کے درمیان مدرس کے طور پر تقرری ہوئی۔ بعد میں مرے کالج سیالکوٹ میں عربی‘ فارسی اور اردو کے لیکچرار تعینات ہوئے۔ محمد دین بھٹی اقبال کے ہم عصر شاعر تھے۔ آپ کا شعری مجموعہ ’’ماء معین‘‘ شائع ہو چکا ہے۔ یہ مجموعہ کلام اقبال اور مولوی میر حسن کے نام سے معنون کیا گیا ہے۔(۲۰۷)راقم الحروف کی کوشش کے باوجود یہ مجموعہ کلام دریافت نہیں ہو سکا۔ نمونۂ کلام ملاحظہ ہو:
کوئی پوچھے کہ کیا ہوتی ہے تقدیر۔ وہ تھی جو پہلے تھی تدبیر
اگر تدبیر ہو قاصر بہ تکمیل تو تقدیر بھی ہوتی ہے تغیر (۲۰۸)
۲۰۷۔ طلعت نثار خواجہ، ’’مرے کالج کے ادیب اساتذہ‘‘ ، مقالہ برائے ایم۔ اے اردو، لاہور ،پنجاب یونیورسٹی، ص:۳۷۰
۲۰۸۔ ایضاً ،ص: ۳۷۲
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |