ڈاکٹر عادل صدیقی(۱۹۵۴ء پ) کا اصل نام محمد شبیر صدیقی ہے۔ آپ چوہان برہانپور پسرور میں پیدا ہوئے۔ ۱۹۸۷ء میں بطور لیکچرار مرے کالج سیالکوٹ میں اپنے فرائض سنبھالے اور بعد میں پنجابی ادب میں پی ایچ ڈی کی۔ (۱۱۳۵) عادل صدیقی کی شاعری جدید رجحانات کی عکاس ہے۔ وہ اردو اور پنجابی میں بڑی مہارت سے شعر کہتے ہیں۔ اردو میں عادل صدیقی کا پہلا شعری مجموعہ ’’نوید موسم دل‘‘ شائع ہو چکا ہے۔ دوسرا شعری مجموعہ ’’غزل تم سے عبارت ہے‘‘ سنگت پبلی کیشنز لاہور نے ۲۰۰۷ء میں طبع کیا۔ حقیقت پسندی، امن و آتشی ، بھائی چارہ ،انسانی ہمدردی اور پیارو محبت عادل صدیقی کی اردو شاعری کے اہم موضوعات ہیں ۔نمونہ کلام ملاحظہ ہو:

جسم ہے پھول اگر، روح کو خوشبو سمجھو

بُو اڑی گل سے تو رنگت کے سوا کچھ بھی نہیں

â۱۱۳۶)

کاش پھر شاخِ تمنا پہ ثمر آجائے

;ختم ہو تیرہ شبی اور سحر آجائے

آبلے پا ؤں کے فریاد بلب ہیں عادل

اب تو خوشبو کا جہاں پیار نگر آجائے

â۱۱۳۷)

جب سے انسان نے رکھا ہے قدم دنیا میں

تب سے وابستہ ہوئے رنج و الم دنیا میں

پھول تقسیم کریں اپنے لیے خار چنیں

ایسے انساں نظر آتے ہیں کم دنیا میں

اپنے افعال سے دنیا ہے جہنم عادلؔ

اپنے کردار سے ملتی ہے ارم دنیا میں

 (۱۱۳۸)

 ۱۱۳۵۔راقم الحروف کا طاہر نظامی سے انٹر ویو، بمقام پسرور۱۰ ستمبر ۲۰۱۰ء

۱۱۳۶۔ڈاکٹر عادل صدیقی ،’’غزل تم سے عبارت‘‘،لاہورسنگت پبلی کیشنز، ۲۰۰۷ء،ص:۳۹

۱۱۳۷۔ایضاً،ص:۵۲

۱۱۳۸۔ایضاً،ص:۷۲